디도서 1장 King Jems Pisin Baibel

바울서신 · Titus · King Jems Pisin Baibel · 16절

절 보기

디도서의 첫 장으로, 바울이 디도에게 인사하고 그레데 각 성에 장로를 세우는 기준과 거짓 교사를 엄히 꾸짖으라는 지침을 전하는 내용이다.

절 바로가기

1디도서 · King Jems Pisin Baibel

¹¶ Pol, wanpela wokboi bilong God, na wanpela aposel bilong Jisas Kraist, bilong bihainim bilip tru bilong ol man God i bin makim, na pasin bilong tok yes long tok tru, dispela i bihainim pasin bilong bihainim God,

²Long hop bilong laip i stap gut oltaim oltaim, dispela God, husat i no inap long giaman, i promisim bipo long dispela graun i stat.

³Tasol long taim bilong en stret em i bin soim ples klia tok bilong em long wok bilong autim tok, dispela em i putim long han bilong mi bilong bihainim tok strong bilong God, Man Bilong Kisim Bek bilong yumi,

⁴I go long Taitas, pikinini man bilong mi yet i bihainim dispela bilip tru bilong yumi olgeta. Marimari, sori, na bel isi, i kam long God Papa na Bikpela Jisas Kraist, Man Bilong Kisim Bek bilong yumi.

⁵¶ Long dispela as mi lusim yu long Krit, inap long yu ken stretim gut ol dispela samting i sot tru yet, na makim ol lapun hetman long olgeta wan wan biktaun, olsem mi bin makim yu long mekim. 해설

⁶¶ Sapos wanpela i no gat asua, man bilong wanpela meri, husat i gat ol pikinini yu inap bilip long ol husat ol man i no sutim tok long ol olsem ol i gat pasin wail o pasin bilong yu no inap bosim ol gut.

⁷Long wanem, bisop i mas stap man i no gat asua, olsem wasman bilong ol samting bilong God. Em i no ken strong long laik bilong em yet, em i no ken kros kwiktaim, em i no ken stap man bilong laikim wain, em i no ken stap man bilong pait, em i no ken stap man bilong laikim mani samting i doti tru.

⁸Tasol em i mas stap man bilong laikim tru pasin bilong lukautim ol man i kam long haus, man bilong laikim tru ol gutpela man, man bilong yusim tingting gut, stretpela, holi, man bilong bosim gut bodi,

⁹Taim em i holimpas strong dispela tok yu inap bilip long en olsem ol i bin skulim em, inap long em i ken stap inap, long stretpela skul, long strongim bel na long soim tru tru wantaim, ol man i tok birua long tok bilong ol yet.

¹⁰Long wanem, i gat planti man yu no inap bosim gut na ol man bilong toktok nating na ol man bilong giaman, na moa yet bilong ol lain bilong katim skin,

¹¹Husat ol maus bilong ol yumi mas pasim, husat i paulim ol hauslain olgeta, taim ol i skulim ol long ol dispela samting i no fit, bilong kisim mani samting i doti tru.

¹²Wanpela bilong ol yet, yes, wanpela profet bilong ol yet, i tok, Ol man Krit em ol man bilong giaman olgeta taim, ol animal nogut, ol bel i no save hariap.

¹³Dispela witnes em i tru. Olsem na hatim ol strong, inap long ol i ken stap stretpela insait long bilip tru.

¹⁴Ol i no ken givim ia long ol giaman stori nating bilong ol Ju, na ol tok strong bilong ol man, husat i tanim na lusim tok tru.

¹⁵Long ol man i klin, olgeta samting i klin. Tasol long ol husat i kamap doti pinis na i no gat bilip i no gat wanpela samting i klin. Tasol, yes, tingting na mausbel bilong ol i kamap doti pinis.

¹⁶Ol i tokaut long ol i save long God, tasol long ol wok ol i tok nogat long em, taim ol i stap ol man i gat sting pasin, na ol man bilong sakim tok, na nogut long olgeta wan wan gutpela wok.

King Jems Pisin Baibel
절을 누르면 복사·공유·형광펜·메모를 쓸 수 있습니다. 점선 낱말은 교회백과 문서로 이어집니다.

이 장에 16절

1 / 3장

본문은 King Jems Pisin Baibel(톡피신어) — getbible.net(CrossWire SWORD 모듈)에서 가져옴 · 라이선스: CC BY-NC-ND 4.0 (Creative Commons: BY-NC-ND 4.0) 형광펜·메모·읽은 표시는 판과 상관없이 같은 장에 함께 남습니다. 점선이 그어진 낱말은 교회백과에 문서가 있는 인물·지명·용어입니다(한 화면에 한 번씩만 표시). 형광펜·메모·읽은 표시는 이 브라우저에만 저장되며 내 표시에서 모아 볼 수 있습니다.

이 장의 구절 해설 문서 1

5-9절

디도서 1장 King Jems Pisin Baibel

이 장의 구절 해설 문서 1

이 장을 언급한 문서

더 보기