아가 1장 King Jems Pisin Baibel

시가서 · Song of Songs · King Jems Pisin Baibel · 17절

절 보기

이 장의 개요 아가 소개

📝 이 장의 개요 흐름·핵심 구절·인물 더 보기 →

아가 1장은 아가의 첫 장으로, 표제에 이어 여인과 그가 사랑하는 자가 서로를 그리워하고 칭찬하는 노래가 오가는 17절이다.

절 바로가기

1 2 3 4 5 6 7 8 9 10 11 12 13 14 15 16 17

1아가 · King Jems Pisin Baibel

¹¶ Song bilong ol song, dispela i bilong Solomon.

²¶ Larim em givim mi kis wantaim ol kis bilong maus bilong em. Long wanem, laikim tru bilong yu i winim wain.

³Bikos ol gutpela wel i gat marasin bilong yu i gat gutpela smel, nem bilong yu i olsem wel i gat marasin ol i kapsaitim i go ausait, olsem na ol meri i no bin slip wantaim man i laikim yu tru.

⁴Pulim mi, mipela bai ran bihainim yu. King i bin bringim mi insait long ol rum bilong em. Mipela bai stap amamas na wokim amamas tru long yu, mipela bai holim tingting long laikim tru bilong yu moa long wain. Ol stretpela manmeri i laikim yu tru.

⁵Mi stap blakpela, tasol fit tru, O yupela ol pikinini meri bilong Jerusalem, olsem ol haus sel bilong Kedar, olsem ol laplap bilong windo bilong Solomon.

⁶No ken lukluk long mi, bilong wanem, mi stap blakpela, bilong wanem, san i bin lukluk long mi. Ol pikinini bilong mama bilong mi i belhat long mi. Ol i makim mi wasmeri bilong ol gaden wain. Tasol gaden wain bilong mi yet mi no bin lukautim.

⁷¶ Tokim mi, O yu husat tewel bilong mi i laikim tru, we yu givim kaikai, we yu mekim lain sipsip bilong yu long malolo long belo. Long wanem, bilong wanem mi mas stap olsem wanpela husat i tanim long sait klostu long ol lain sipsip bilong ol poroman bilong yu?

⁸Sapos yu no save, O yu husat i naispela moa namel long ol meri, go ausait long rot bilong yu klostu long ol step bilong lek bilong lain sipsip, na givim kaikai long ol pikinini meme bilong yu klostu long ol haus sel bilong ol wasman bilong sipsip.

⁹Mi bin skelim yu, O laikim tru bilong mi, wantaim wanpela lain bilong ol hos i stap long ol karis bilong Fero.

¹⁰Tupela wasket bilong yu i fit tru wantaim ol lain bilong ol bilas i dia tru, na nek bilong yu wantaim ol sen bilong gol.

¹¹Yumi bai wokim bilong yu ol hap arere bilong gol wantaim ol pos bilong silva.

¹²¶ Taim king i sindaun long tebol bilong em, spaiknart bilong mi i salim i go ausait smel bilong en.

¹³Man i stap klostu tru long bel bilong mi tru em i wanpela mekpas bilong mur long mi. Em bai slip olgeta hap long nait namel long tupela susu bilong mi.

¹⁴Meri i stap klostu tru long bel bilong mi i stap long mi olsem wanpela lain bung bilong kamfair long ol gaden wain bilong En-gedi.

¹⁵Lukim, yu stap naispela, laikim tru bilong mi. Lukim, yu stap naispela. Yu gat tupela ai bilong balus.

¹⁶Lukim, yu stap naispela, meri i stap klostu tru long bel bilong mi, yes, gutpela. Na tu, bet bilong yumi i grinpela.

¹⁷Ol rigal bilong haus bilong yumi i sida, na ol diwai bilong holim kapa bilong yumi i fir.

King Jems Pisin Baibel
절을 누르면 복사·공유·형광펜·메모를 쓸 수 있습니다. 점선 낱말은 교회백과 문서로 이어집니다.

이 장에 17절

1 / 8장

본문은 King Jems Pisin Baibel(톡피신어) — getbible.net(CrossWire SWORD 모듈)에서 가져옴 · 라이선스: CC BY-NC-ND 4.0 (Creative Commons: BY-NC-ND 4.0) 형광펜·메모·읽은 표시는 판과 상관없이 같은 장에 함께 남습니다. 점선이 그어진 낱말은 교회백과에 문서가 있는 인물·지명·용어입니다(한 화면에 한 번씩만 표시). 형광펜·메모·읽은 표시는 이 브라우저에만 저장되며 내 표시에서 모아 볼 수 있습니다.

아가 1장 King Jems Pisin Baibel

이 장을 언급한 문서

더 보기