빌립보서 1장 Vulgata Clementina

바울서신 · Philippians · Vulgata Clementina · 30절

절 보기

빌립보서 1장은 감옥에 갇힌 바울이 빌립보 교회에 감사와 기도를 전하고, 자신의 매임이 오히려 복음을 넓혔다고 말하며, 삶과 죽음 사이에서 그리스도를 높이겠다는 마음과 복음에 합당한 삶을 권하는 장이다.

절 바로가기

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30

1빌립보서 · Vulgata Clementina

¹Paulus et Timotheus, servi Jesu Christi, omnibus sanctis in Christo Jesu, qui sunt Philippis, cum episcopis et diaconibus.

²Gratia vobis, et pax a Deo Patre nostro, et Domino Jesu Christo.

³Gratias ago Deo meo in omni memoria vestri,

⁴semper in cunctis orationibus meis pro omnibus vobis, cum gaudio deprecationem faciens,

⁵super communicatione vestra in Evangelio Christi a prima die usque nunc.

⁶Confidens hoc ipsum, quia qui cœpit in vobis opus bonum, perficiet usque in diem Christi Jesu : 해설

⁷sicut est mihi justum hoc sentire pro omnibus vobis : eo quod habeam vos in corde, et in vinculis meis, et in defensione, et confirmatione Evangelii, socios gaudii mei omnes vos esse.

⁸Testis enim mihi est Deus, quomodo cupiam omnes vos in visceribus Jesu Christi.

⁹Et hoc oro, ut caritas vestra magis ac magis abundet in scientia, et in omni sensu :

¹⁰ut probetis potiora, ut sitis sinceri, et sine offensa in diem Christi,

¹¹repleti fructu justitiæ per Jesum Christum, in gloriam et laudem Dei.

¹²Scire autem vos volo fratres, quia quæ circa me sunt, magis ad profectum venerunt Evangelii :

¹³ita ut vincula mea manifesta fierent in Christo in omni prætorio, et in ceteris omnibus,

¹⁴et plures e fratribus in Domino confidentes vinculis meis, abundantius auderent sine timore verbum Dei loqui.

¹⁵Quidam quidem et propter invidiam et contentionem : quidam autem et propter bonam voluntatem Christum prædicant :

¹⁶quidam ex caritate, scientes quoniam in defensionem Evangelii positus sum.

¹⁷Quidam autem ex contentione Christum annuntiant non sincere, existimantes pressuram se suscitare vinculis meis.

¹⁸Quid enim ? Dum omni modo sive per occasionem, sive per veritatem, Christus annuntietur : et in hoc gaudeo, sed et gaudebo.

¹⁹Scio enim quia hoc mihi proveniet ad salutem, per vestram orationem, et subministrationem Spiritus Jesu Christi,

²⁰secundum exspectationem et spem meam, quia in nullo confundar : sed in omni fiducia sicut semper, et nunc magnificabitur Christus in corpore meo, sive per vitam, sive per mortem.

²¹Mihi enim vivere Christus est, et mori lucrum. 해설

²²Quod si vivere in carne, hic mihi fructus operis est, et quid eligam ignoro.

²³Coarctor autem e duobus : desiderium habens dissolvi, et esse cum Christo, multo magis melius :

²⁴permanere autem in carne, necessarium propter vos.

²⁵Et hoc confidens scio quia manebo, et permanebo omnibus vobis ad profectum vestrum, et gaudium fidei :

²⁶ut gratulatio vestra abundet in Christo Jesu in me, per meum adventum iterum ad vos.

²⁷Tantum digne Evangelio Christi conversamini : ut sive cum venero, et videro vos, sive absens audiam de vobis, quia statis in uno spiritu unanimes, collaborantes fidei Evangelii :

²⁸et in nullo terreamini ab adversariis : quæ illis est causa perditionis, vobis autem salutis, et hoc a Deo :

²⁹quia vobis donatum est pro Christo, non solum ut in eum credatis, sed ut etiam pro illo patiamini : 해설

³⁰idem certamen habentes, quale et vidistis in me, et nunc audistis de me.

Vulgata Clementina
절을 누르면 복사·공유·형광펜·메모를 쓸 수 있습니다. 점선 낱말은 교회백과 문서로 이어집니다.

이 장에 30절

1 / 4장

본문은 Vulgata Clementina(라틴어) — getbible.net(CrossWire SWORD 모듈)에서 가져옴 · 라이선스: 공개 도메인 (Public Domain) 형광펜·메모·읽은 표시는 판과 상관없이 같은 장에 함께 남습니다. 점선이 그어진 낱말은 교회백과에 문서가 있는 인물·지명·용어입니다(한 화면에 한 번씩만 표시). 형광펜·메모·읽은 표시는 이 브라우저에만 저장되며 내 표시에서 모아 볼 수 있습니다.

빌립보서 1장 Vulgata Clementina

이 장의 구절 해설 문서 3

이 장을 언급한 문서

더 보기