로그인

고린도전서 1장 John Wycliffe Bible (c.1395)

바울서신 · 1 Corinthians · John Wycliffe Bible (c.1395) · 31절

절 보기
이 장의 개요고린도전서 소개
📝 이 장의 개요 흐름·핵심 구절·인물 더 보기 →

고린도전서 1장은 바울이 고린도 교회에 보낸 편지의 첫 장이다. 인사와 감사로 시작하여 교회 안의 분쟁을 꾸짖고, 세상의 지혜와 대비되는 십자가의 도를 말한다.

절 바로가기

12345678910111213141516171819202122232425262728293031
1고린도전서 · John Wycliffe Bible (c.1395)
1Poul, clepid apostle of Jhesu Crist, bi the wille of God, and Sostenes, brothir, to the chirche of God that is at Corynthe,
2to hem that ben halewid in Crist Jhesu, and clepid seyntis, with alle that inwardli clepen the name of oure Lord Jhesu Crist, in ech place of hem and of oure,
3grace to you and pees of God, oure fadir, and of the Lord Jhesu Crist.
4Y do thankyngis to my God eueremore for you, in the grace of God that is youun to you in Crist Jhesu.
5For in alle thingis ye ben maad riche in hym, in ech word, and in ech kunnyng,
6as the witnessyng of Crist is confermyd in you;
7so that no thing faile to you in ony grace, that abiden the schewyng of oure Lord Jhesu Crist; 해설
8which also schal conferme you in to the ende with outen cryme, in the dai of the comyng of oure Lord Jhesu Crist.
9`A trewe God, bi whom ye ben clepid in to the felouschipe of his sone Jhesu Crist oure Lord.
10But, britheren, Y biseche you, bi the name of oure Lord Jhesu Crist, that ye alle seie the same thing, and that dissenciouns be not among you; but be ye perfit in the same wit, and in the same kunnyng. 해설
11For, my britheren, it is teld to me of hem that ben at Cloes, that stryues ben among you.
12And Y seie that, that ech of you seith, For Y am of Poul, and Y am of Apollo, and Y am of Cefas, but Y am of Crist.
13Whether Crist is departid? whether Poul was crucified for you, ether ye ben baptisid in the name of Poul?
14Y do thankyngis to my God, that Y baptiside noon of you, but Crispus and Gayus;
15lest ony man seie, that ye ben baptisid in my name.
16And Y baptiside also the hous of Stephan, but Y woot not, that Y baptiside ony other.
17For Crist sente me not to baptise, but to preche the gospel; not in wisdom of word, that the cros of Crist be not voidid awei.
18For the word of the cros is foli to hem that perischen; but to hem that ben maad saaf, that is to seie, to vs, it is the vertu of God. 해설
19For it is writun, Y schal distruye the wisdom of wise men, and Y schal reproue the prudence of prudent men.
20Where is the wise man? where is the wise lawiere? where is the purchasour of this world? Whether God hath not maad the wisdom of this world fonned?
21For the world in wisdom of God knewe not God bi wisdom, it pleside to God, bi foli of prechyng, `to maken hem saaf that bileueden.
22For Jewis seken signes, and Grekis seken wisdom; 해설
23but we prechen Crist crucified, to Jewis sclaundre, and to hethene men foli;
24but to tho Jewis and Grekis that ben clepid, we prechen Crist the vertu of God and the wisdom of God.
25For that that is foli thing of God, is wiser than men; and that that is the feble thing of God, is strengere than men.
26But, britheren, se ye youre clepyng; for not many wise men aftir the fleisch, not many myyti, not many noble.
27But God chees tho thingis that ben fonned of the world, to confounde wise men;
28and God chees the feble thingis of the world, to confounde the stronge thingis; and God chees the vnnoble thingis `and dispisable thingis of the world, and tho thingis that ben not, to distruye tho thingis that ben;
29that ech man haue not glorie in his siyt.
30But of hym ye ben in Crist Jhesu, which is maad of God to vs wisdom, and riytwisnesse, and holynesse, and ayenbiyng; that,
31as it is wrytun, He that glorieth, haue glorie in the Lord.

John Wycliffe Bible (c.1395)
절을 누르면 복사·공유·형광펜·메모를 쓸 수 있습니다. 점선 낱말은 교회백과 문서로 이어집니다.

이 장에 31절
1 / 16장

본문은 John Wycliffe Bible (c.1395)(중세 영어) — getbible.net(CrossWire SWORD 모듈)에서 가져옴 · 라이선스: CC BY-SA 4.0 (Creative Commons: BY-SA 4.0) 형광펜·메모·읽은 표시는 판과 상관없이 같은 장에 함께 남습니다. 점선이 그어진 낱말은 교회백과에 문서가 있는 인물·지명·용어입니다(한 화면에 한 번씩만 표시). 형광펜·메모·읽은 표시는 이 브라우저에만 저장되며 내 표시에서 모아 볼 수 있습니다.

이 장의 구절 해설 문서 4

이 장을 언급한 문서

더 보기