빌립보서 1장 John Wycliffe Bible (c.1395)

바울서신 · Philippians · John Wycliffe Bible (c.1395) · 30절

절 보기

빌립보서 1장은 감옥에 갇힌 바울이 빌립보 교회에 감사와 기도를 전하고, 자신의 매임이 오히려 복음을 넓혔다고 말하며, 삶과 죽음 사이에서 그리스도를 높이겠다는 마음과 복음에 합당한 삶을 권하는 장이다.

절 바로가기

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30

1빌립보서 · John Wycliffe Bible (c.1395)

¹Poul and Tymothe, seruauntis of Jhesu Crist, to alle the hooli men in Crist Jhesu, that ben at Filippis, with bischopis and dekenes,

²grace and pees to you of God oure fadir, and of the Lord Jhesu Crist.

³I do thankyngis to my God

⁴in al mynde of you euere more in alle my preyeris for alle you with ioye, and

⁵make a bisechyng on youre comynyng in the gospel of Crist, fro the firste day til nowe;

⁶tristenynge this ilke thing, that he that bigan in you a good werk, schal perfourme it til in to the dai of Jhesu Crist. 해설

⁷As it is iust to me to feele this thing for alle you, for that Y haue you in herte, and in my boondis, and in defending and confermyng of the gospel, that alle ye be felowis of my ioye.

⁸For God is a witnesse to me, hou Y coueyte alle you in the bowelis of Jhesu Crist.

⁹And this thing Y preie, that youre charite be plenteuouse more and more in kunnyng, and in al wit;

¹⁰that ye preue the betere thingis, that ye be clene and without offence in the dai of Crist;

¹¹fillid with the fruyt of riytwysnesse bi Jhesu Crist, in to the glory and the heriyng of God.

¹²For, britheren, Y wole that ye wite, that the thingis that ben aboute me han comun more to the profit of the gospel,

¹³so that my boondis weren maad knowun in Crist, in ech moot halle, and in alle other placis;

¹⁴that mo of britheren tristinge in the Lord more plenteuously for my boondis, dursten without drede speke the word of God.

¹⁵But summe for enuye and strijf, summe for good wille, prechen Crist;

¹⁶and summe of charite, witinge that Y am put in the defense of the gospel.

¹⁷But summe of strijf schewen Crist not cleneli, gessynge hem to reise tribulacioun to my boondis.

¹⁸But what? the while on al maner, ethir bi occasioun, ethir bi treuthe, Crist is schewid; and in this thing Y haue ioye, but also Y schal haue ioye.

¹⁹And Y woot, that this thing schal come to me in to heelthe bi youre preyer, and the vndurmynystring of the spirit of `Jhesu Crist, bi myn abidyng and hope.

²⁰For in no thing Y schal be schamed, but in al trist as euere more and now, Crist schal be magnefied in my bodi, ether bi lijf, ether bi deth.

²¹For me to lyue is Crist, and to die is wynnyng. 해설

²²That if to lyue in fleisch, is fruyt of werk to me, lo! what Y schal chese, Y knowe not.

²³But Y am constreyned of twei thingis, Y haue desire to be dissolued, and to be with Crist, it is myche more betere; but to dwelle in fleisch,

²⁴is nedeful for you.

²⁵And Y tristinge this thing, woot that Y schal dwelle, and perfitli dwelle to alle you, to youre profit and ioye of feith,

²⁶that youre thanking abounde in Crist Jhesu in me, bi my comyng eftsoone to you.

²⁷Oneli lyue ye worthili to the gospel of Crist, that whether whanne Y come and se you, ethir absent Y here of you, that ye stonden in o spirit of o wille, trauelinge togidere to the feith of the gospel.

²⁸And in no thing be ye aferd of aduersaries, which is to hem cause of perdicioun,

²⁹but to you cause of heelthe. And this thing is of God. For it is youun to you for Crist, that not oneli ye bileuen in hym, but also that ye suffren for hym; 해설

³⁰hauynge the same strijf, which ye saien in me, and now ye han herd of me.

John Wycliffe Bible (c.1395)
절을 누르면 복사·공유·형광펜·메모를 쓸 수 있습니다. 점선 낱말은 교회백과 문서로 이어집니다.

이 장에 30절

1 / 4장

본문은 John Wycliffe Bible (c.1395)(중세 영어) — getbible.net(CrossWire SWORD 모듈)에서 가져옴 · 라이선스: CC BY-SA 4.0 (Creative Commons: BY-SA 4.0) 형광펜·메모·읽은 표시는 판과 상관없이 같은 장에 함께 남습니다. 점선이 그어진 낱말은 교회백과에 문서가 있는 인물·지명·용어입니다(한 화면에 한 번씩만 표시). 형광펜·메모·읽은 표시는 이 브라우저에만 저장되며 내 표시에서 모아 볼 수 있습니다.

빌립보서 1장 John Wycliffe Bible (c.1395)

이 장의 구절 해설 문서 3

이 장을 언급한 문서

더 보기