에베소서 1장 John Wycliffe Bible (c.1395)

바울서신 · Ephesians · John Wycliffe Bible (c.1395) · 23절

절 보기

에베소서 1장은 바울의 인사로 시작해, 그리스도 안에서 받은 선택·구속·성령의 인치심을 찬양하고, 독자들이 하나님을 더 깊이 알기를 구하는 기도로 이어지는 장이다.

절 바로가기

1 2 3 4 5 6 7 8 9 10 11 12 13 14 15 16 17 18 19 20 21 22 23

1에베소서 · John Wycliffe Bible (c.1395)

¹Poul, the apostle of Jhesu Crist, bi the wille of God, to alle seyntis that ben at Effesie, and to the feithful men in Jhesu Crist,

²grace be to you and pees of God, oure fader, and oure Lord Jhesu Crist.

³Blessid be God and the fadir of oure Lord Jhesu Crist, that hath blessid vs in al spiritual blessing in heuenli thingis in Crist, 해설

⁴as he hath chosun vs in hym silf bifor the makyng of the world, that we weren hooli, and with out wem in his siyt, in charite. 해설

⁵Which hath bifor ordeyned vs in to adopcioun of sones bi Jhesu Crist in to hym, bi the purpos of his wille,

⁶in to the heriyng of the glorie of his grace;

⁷in which he hath glorified vs in his dereworthe sone. In whom we han redempcioun bi his blood, foryyuenesse of synnes, aftir the ritchessis of his grace,

⁸that aboundide greetli in vs in al wisdom and prudence,

⁹to make knowun to vs the sacrament of his wille, bi the good plesaunce of hym; the which sacrament he purposide in

¹⁰hym in the dispensacioun of plente of tymes to enstore alle thingis in Crist, whiche ben in heuenes, and whiche ben in erthe, in hym.

¹¹In whom we ben clepid bi sort, bifor ordeyned bi the purpos of hym that worchith alle thingis bi the counsel of his wille; 해설

¹²that we be in to the heriyng of his glorie, we that han hopid bifor in Crist.

¹³In whom also ye weren clepid, whanne ye herden the word of treuthe, the gospel of youre heelthe, in whom ye bileuynge ben merkid with the Hooli Goost of biheest, which is the ernes of oure eritage,

¹⁴in to the redempcioun of purchasyng, in to heriyng of his glorie.

¹⁵Therfor and Y herynge youre feith, that is in Crist Jhesu, and the loue in to alle seyntis,

¹⁶ceesse not to do thankyngis for you, makynge mynde of you in my preieris;

¹⁷that God of oure Lord Jhesu Crist, the fadir of glorie, yyue to you the spirit of wisdom and of reuelacioun, in to the knowyng of hym;

¹⁸and the iyen of youre herte liytned, that ye wite, which is the hope of his clepyng, and whiche ben the richessis of the glorie of his eritage in seyntis;

¹⁹and whych is the excellent greetnesse of his vertu in to vs that han bileuyd, bi the worchyng of the myyt of his vertu,

²⁰which he wrouyte in Crist, reisynge hym fro deth, and settynge him on his riyt half in heuenli thingis,

²¹aboue ech principat, and potestat, and vertu, and domynacioun, and aboue ech name that is named, not oneli in this world, but also in the world to comynge;

²²and made alle thingis suget vndur hise feet, and yaf hym to be heed ouer al the chirche,

²³that is the bodi of hym, and the plente of hym, which is alle thingis in alle thingis fulfillid.

John Wycliffe Bible (c.1395)
절을 누르면 복사·공유·형광펜·메모를 쓸 수 있습니다. 점선 낱말은 교회백과 문서로 이어집니다.

이 장에 23절

1 / 6장

본문은 John Wycliffe Bible (c.1395)(중세 영어) — getbible.net(CrossWire SWORD 모듈)에서 가져옴 · 라이선스: CC BY-SA 4.0 (Creative Commons: BY-SA 4.0) 형광펜·메모·읽은 표시는 판과 상관없이 같은 장에 함께 남습니다. 점선이 그어진 낱말은 교회백과에 문서가 있는 인물·지명·용어입니다(한 화면에 한 번씩만 표시). 형광펜·메모·읽은 표시는 이 브라우저에만 저장되며 내 표시에서 모아 볼 수 있습니다.

에베소서 1장 John Wycliffe Bible (c.1395)

이 장의 구절 해설 문서 3

이 장을 언급한 문서

더 보기