누가복음 1장 Ndebele Bible

복음서 · Luke · Ndebele Bible · 80절

절 보기

누가복음 1장은 저자가 데오빌로에게 글을 쓰는 목적을 밝힌 서문으로 시작한다. 이어 천사 가브리엘이 세례 요한과 예수의 탄생을 예고하고, 마리아의 찬가와 요한의 출생, 사가랴의 예언이 이어진다.

절 바로가기

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80

1누가복음 · Ndebele Bible

¹Njengoba abanengi sebebeke izandla ukubeka ngendlela efaneleyo ukulandiswa kwezinto eziqiniseke ngokupheleleyo phakathi kwethu,

²njengalokhu basinika labo ababonayo ngamehlo ekuqaleni njalo bezinceku zelizwi,

³kukhanye kukuhle lakimi, sengizihlolisisile zonke izinto kusukela ekuqaleni, ukuthi ngikubhalele ngokulandelana, mhlekazi Teyofilu,

⁴ukuze wazi iqiniso ngalezozinto ozifundisiweyo.

⁵Ensukwini zikaHerodi inkosi yeJudiya kwakukhona umpristi othile othiwa nguZakariya, oweqembu likaAbhiya; lomkakhe wayevela kumadodakazi kaAroni, lebizo lakhe linguElizabethi.

⁶Njalo babelungile bobabili phambi kukaNkulunkulu, behamba ngayo yonke imilayo lezimiso zeNkosi, bengasoleki.

⁷Njalo babengelamntwana, ngoba uElizabethi wayeyinyumba, basebeleminyaka eminengi bobabili.

⁸Kwasekusithi esenza inkonzo yobupristi phambi kukaNkulunkulu esesimisweni seqembu lakibo,

⁹ngomkhuba wenkonzo yobupristi, nguye owadliwa yinkatho yokutshisa impepha esengene ethempelini leNkosi.

¹⁰Njalo ixuku lonke labantu lalikhuleka ngaphandle ngesikhathi sokutshisa impepha.

¹¹Ingilosi yeNkosi yasibonakala kuye, imi ngakwesokunene selathi lempepha.

¹²Kwathi uZakariya eyibona waqhuqha, lokwesaba kwawela phezu kwakhe.

¹³Kodwa ingilosi yathi kuye: Ungesabi Zakariya; ngoba umkhuleko wakho uzwakele, lomkakho uElizabethi uzakuzalela indodana, njalo uzakuthi ibizo layo nguJohane.

¹⁴Futhi uzakuba lenjabulo lentokozo, labanengi bazakujabulela ukuzalwa kwakhe.

¹⁵Ngoba uzakuba mkhulu phambi kweNkosi, iwayini kanye lokunathwayo okulamandla kasoze akunathe, futhi uzagcwaliswa ngoMoya oNgcwele kusukela esesesiswini sikanina.

¹⁶Labanengi kubantwana bakoIsrayeli uzabaphendulela eNkosini uNkulunkulu wabo;

¹⁷njalo yena uzahamba phambi kwayo emoyeni lemandleni kaElija, ukuphendulela inhliziyo zaboyise kubantwana, labangalaleliyo ekuhlakanipheni kwabalungileyo, ukulungiselela iNkosi isizwe esilungisiweyo.

¹⁸UZakariya wasesithi kuyo ingilosi: Ngizakwazi ngani lokhu? Ngoba mina ngilixhegu, lomkami useleminyaka eminengi.

¹⁹Ingilosi yasiphendula yathi kuye: NginguGabriyeli mina, omayo phambi kukaNkulunkulu; njalo ngithunyiwe ukukhuluma lawe, lokukubikela lezizindaba ezinhle.

²⁰Njalo khangela, uzakuba yisimungulu njalo wehluleke ukukhuluma, kuze kube lusuku okuzakwenzeka ngalo lezizinto, ngenxa yokuthi ungakholwanga amazwi ami, azagcwaliseka ngesikhathi sawo.

²¹Labantu babemlindele uZakariya; bamangala ngokuphuza kwakhe ethempelini.

²²Kuthe esephuma wehluleka ukukhuluma labo; njalo bazi ukuthi ubone umbono ethempelini; njalo yena wayesebaqhweba, wahlala eyisimungulu.

²³Kwasekusithi seziphelile insuku zokukhonza kwakhe, waya endlini yakhe.

²⁴Kwathi emva kwalezonsuku uElizabethi umkakhe wathatha isisu, wazifihla okwezinyanga ezinhlanu, esithi:

²⁵Yenze kanje kimi iNkosi ensukwini eyangikhangela ngazo ukususa ihlazo lami phakathi kwabantu.

²⁶Kwathi ngenyanga yesithupha ingilosi uGabriyeli yathunywa nguNkulunkulu emzini weGalili othiwa yiNazaretha, 해설

²⁷entombini eyayigane indoda, ebizo layo lalinguJosefa, eyendlu kaDavida; lebizo lentombi linguMariya.

²⁸Ingilosi yasingena kuye yathi: Ekuhle, wena othandiweyo! INkosi ilawe, ubusisiwe wena phakathi kwabesifazana.

²⁹Kwathi eseyibonile wethuswa kakhulu yilizwi layo, wanakana ukuthi yikubingelela okunjani lokhu.

³⁰Ingilosi yasisithi kuye: Ungesabi, Mariya; ngoba uthole uthando kuNkulunkulu.

³¹Njalo khangela, uzathatha isisu, uzale indodana, uzakuthi ibizo layo nguJesu.

³²Yena uzakuba mkhulu, uzabizwa ngokuthi yiNdodana yoPhezukonke; futhi iNkosi uNkulunkulu izamnika isihlalo sobukhosi sikayise uDavida,

³³njalo uzabusa phezu kwendlu kaJakobe kuze kube nininini, langombuso wakhe kawuzukuba lokuphela.

³⁴UMariya wasesithi kuyo ingilosi: Lokhu kungenzeka njani, njengoba ngingazi indoda?

³⁵Ingilosi yasiphendula yathi kuye: UMoya oNgcwele uzakuza phezu kwakho, lamandla oPhezukonke azakwembesa; ngakho lalokhu okungcwele okuzazalwa nguwe kuzakuthiwa yiNdodana kaNkulunkulu.

³⁶Njalo khangela, isinini sakho uElizabethi, laye ukhulelwe yindodana ebudaleni bakhe; lale yinyanga yesithupha kuye obekuthiwa uyinyumba.

³⁷Ngoba kuNkulunkulu kakulalutho oluzakwehlula. 해설

³⁸UMariya wasesithi: Khangela, incekukazi yeNkosi; kakube kimi njengelizwi lakho. Ingilosi yasisuka kuye.

³⁹Ngalezonsuku uMariya wasesukuma waya ezintabeni ngokuphangisa, emzini weJuda,

⁴⁰wangena endlini kaZakariya, wabingelela uElizabethi.

⁴¹Kwasekusithi uElizabethi ezwe ukubingelela kukaMariya, inkonyane yeqa esiswini sakhe; loElizabethi wagcwaliswa ngoMoya oNgcwele,

⁴²wamemeza ngelizwi elikhulu, wathi: Ubusisiwe wena phakathi kwabesifazana, njalo sibusisiwe isithelo sesizalo sakho!

⁴³Kanti kuvela ngaphi lokhu kimi, ukuthi unina weNkosi yami eze kimi?

⁴⁴Ngoba khangela, kuthe ilizwi lokubingelela kwakho lifika endlebeni zami, umntwana weqa esiswini sami ngokuthokoza.

⁴⁵Futhi ubusisiwe okholiweyo, ngoba kuzagcwaliseka lezozinto ezakhulunywa kuye yiNkosi.

⁴⁶UMariya wasesithi: Umphefumulo wami uyayikhulisa iNkosi,

⁴⁷lomoya wami uyathokoza kuNkulunkulu uMsindisi wami,

⁴⁸ngoba ukhangele ubuphansi bencekukazi yakhe. Ngoba khangela, kusukela khathesi zonke izizukulwana zizakuthi ngibusisiwe.

⁴⁹Ngoba yena olamandla ungenzele izinto ezinkulu, lingcwele lebizo lakhe,

⁵⁰lesihawu sakhe sikusizukulwana ngesizukulwana kulabo abamesabayo.

⁵¹Wenzile amandla ngengalo yakhe; uhlakazile abazigqajayo ekunakaneni kwenhliziyo zabo.

⁵²Wehlisile iziphathamandla ezihlalweni zobukhosi, kodwa uphakamisile abantukazana.

⁵³Abalambileyo ubasuthise ngezinto ezinhle, kodwa abanothileyo wabamukisa beze.

⁵⁴Umsizile uIsrayeli inceku yakhe, ngokukhumbula isihawu,

⁵⁵njengoba watsho kubobaba bethu, kuAbrahama, lenzalweni yakhe kuze kube nininini.

⁵⁶UMariya wasehlala laye okungaba zinyanga ezintathu, wasebuyela endlini yakhe.

⁵⁷Isikhathi sikaElizabethi sokuthi abelethe sesiphelele, wasebeletha indodana.

⁵⁸Abakhelene laye lezinini zakhe basebesizwa ukuthi iNkosi yenze isihawu sayo saba sikhulu kuye, basebethokoza laye.

⁵⁹Kwasekusithi ngosuku lwesificaminwembili, beza ukuzasoka usane; balubiza ngebizo likayise ngokuthi nguZakariya.

⁶⁰Kodwa unina waphendula wathi: Hatshi bo, kodwa luzathiwa nguJohane.

⁶¹Basebesithi kuye: Kakho ezihlotsheni zakho obizwa ngalelibizo.

⁶²Basebeqhweba uyise, ukuthi angathanda ukuthi lubizwe ngokuthini.

⁶³Wasecela into yokubhalela, wabhala, esithi: NguJohane ibizo lalo; basebemangala bonke.

⁶⁴Njalo wahle wavulwa umlomo wakhe lolimi lwakhe lwatshwaphululwa, wasekhuluma edumisa uNkulunkulu.

⁶⁵Lokwesaba kwehlela phezu kwabo bonke abakhelene labo; njalo kwakhulunywa ngazo zonke lezizinto kulo lonke elezintabeni zeJudiya,

⁶⁶labo bonke abazizwayo bazilondoloza ezinhliziyweni zabo, besithi: Kambe lolusane luzakuba njani? Njalo isandla seNkosi sasilalo.

⁶⁷LoZakariya uyise wagcwaliswa ngoMoya oNgcwele, waprofetha, esithi:

⁶⁸Ibusisiwe iNkosi uNkulunkulu kaIsrayeli, ngoba ihambele yasenzela inkululeko isizwe sayo,

⁶⁹yasivusela uphondo losindiso endlini kaDavida inceku yayo,

⁷⁰njengalokho yakhuluma ngomlomo wabaprofethi bayo abangcwele kusukela ekuqaleni komhlaba,

⁷¹isikhulula ezitheni zethu, lesandleni sabo bonke abasizondayo;

⁷²ukwenzela obaba bethu isihawu, lokukhumbula isivumelwano sayo esingcwele,

⁷³isifungo eyasifunga kubaba wethu uAbrahama,

⁷⁴ukusinika, ukuthi sesikhululiwe esandleni sezitha zethu, siyikhonze singelakwesaba,

⁷⁵ngobungcwele langokulunga phambi kwayo zonke izinsuku zempilo yethu.

⁷⁶Lawe-ke, sane, uzabizwa ngokuthi ungumprofethi woPhezukonke; ngoba uzahamba phambi kobuso beNkosi ukulungisa izindlela zayo;

⁷⁷lokunika isizwe sayo ulwazi losindiso ngothethelelo lwezono zabo,

⁷⁸ngesihelo sikaNkulunkulu wethu, okuthi ngaso ukusa kwaphezulu kusethekelele,

⁷⁹ukubakhanyisela abahlezi emnyameni lethunzini lokufa, ukuqondisa inyawo zethu endleleni yokuthula.

⁸⁰Wakhula-ke umntwana omncane, waqina emoyeni, waba sezinkangala kwaze kwaba lusuku lokubonakala kwakhe kuIsrayeli.

Ndebele Bible
절을 누르면 복사·공유·형광펜·메모를 쓸 수 있습니다. 점선 낱말은 교회백과 문서로 이어집니다.

이 장에 80절

1 / 24장

본문은 Ndebele Bible(은데벨레어) — getbible.net(CrossWire SWORD 모듈)에서 가져옴 · 라이선스: GFDL 형광펜·메모·읽은 표시는 판과 상관없이 같은 장에 함께 남습니다. 점선이 그어진 낱말은 교회백과에 문서가 있는 인물·지명·용어입니다(한 화면에 한 번씩만 표시). 형광펜·메모·읽은 표시는 이 브라우저에만 저장되며 내 표시에서 모아 볼 수 있습니다.

누가복음 1장 Ndebele Bible

이 장의 구절 해설 문서 2

이 장을 언급한 문서

더 보기