스바냐 1장 King Jems Pisin Baibel

소선지서 · Zephaniah · King Jems Pisin Baibel · 18절

절 보기

스바냐 1장은 요시야 시대에 스바냐가 받은 말씀으로, 유다와 예루살렘의 우상 숭배와 신앙적 무관심을 고발하고 다가오는 '여호와의 날'의 심판을 선포하는 장이다.

절 바로가기

1 2 3 4 5 6 7 8 9 10 11 12 13 14 15 16 17 18

1스바냐 · King Jems Pisin Baibel

¹¶ Dispela tok bilong BIKPELA i kam long Sefanaia, pikinini man bilong Kusi, pikinini man bilong Gedalaia, pikinini man bilong Amaraia, pikinini man bilong Hiskaia, long ol de bilong Josaia, pikinini man bilong Amon, king bilong Juda.

²Mi bai kaikai olgeta olgeta samting i lusim dispela hap, BIKPELA i tok.

³Mi bai kaikai olgeta, man na animal. Mi bai kaikai olgeta ol pisin bilong heven, na ol pis bilong biksi, na ol samting bilong sutim lek wantaim ol man nogut. Na Mi bai rausim ol man i lusim dispela hap, BIKPELA i tok.

⁴Mi bai stretim tu han bilong Mi ausait antap long Juda, na antap long olgeta lain i stap long Jerusalem. Na Mi bai rausim hap lain i stap yet bilong Beal i lusim dispela ples, na nem bilong ol lain Kemarim wantaim ol pris,

⁵Na ol husat i lotuim ol ami bilong heven antap long ol antap bilong haus, na ol husat i lotuim na husat i wokim strongpela promis long nem bilong BIKPELA, na husat i wokim strongpela promis long nem bilong Malkam,

⁶Na ol husat i tanim i go bek pinis i lusim BIKPELA, na ol husat i no bin painim BIKPELA, o askim long Em.

⁷¶ Pasim maus bilong yu long pes bilong GOD Bikpela. Long wanem, de bilong BIKPELA em i klostu. Long wanem, BIKPELA i bin redim wanpela sakrifais, Em i bin askim ol man long kam stap wantaim Em.

⁸Na em bai kamap olsem long de bilong sakrifais bilong BIKPELA, long Mi bai wokim mekim save long ol hetman, na ol pikinini bilong king, na olgeta kain man husat i werim klos wantaim ol naispela klos i narakain.

⁹Long dispela de stret tu bai Mi wokim mekim save long olgeta husat i kalap antap long as bilong dua, husat i pulimapim ol haus bilong ol bosman bilong ol wantaim pasin pait na pasin giaman.

¹⁰Na em bai kamap olsem long dispela de, BIKPELA i tok, long bai gat nois bilong wanpela singaut i kam long dua bilong banis pis, na wanpela singaut sori i kam long namba tu, na wanpela bikpela nois bilong bikpela bagarap i kam long ol liklik maunten.

¹¹Singaut sori, yupela ol lain i stap long Maktes. Long wanem, olgeta bisnisman Mi katim i go daun. Olgeta husat i karim silva Mi rausim.

¹²Na em bai kamap olsem long dispela taim, long Mi bai painimaut tru Jerusalem wantaim ol kandel, na wokim mekim save long ol man husat i sanap antap long ol pipia bilong dring bilong ol, husat i tok insait long bel bilong ol, BIKPELA i no inap mekim gutpela, na tu Em i no inap mekim nogut.

¹³Olsem na ol kago bilong ol bai kamap wanpela prais bilong pait, na ol haus bilong ol wanpela samting i stap nating. Ol tu bai wokim ol haus, tasol ol i no inap stap long ol. Na ol bai planim ol gaden wain, tasol ol i no inap dringim wain bilong ol.

¹⁴¶ Dispela bikpela de bilong BIKPELA em i klostu, em i klostu, na i kam hariap tru, yes, nek bilong de bilong BIKPELA. Strongpela man bai krai long dispela hap wantaim bel i bagarap tru.

¹⁵Dispela de em i wanpela de bilong belhat tru, wanpela de bilong trabel na bikpela wari, wanpela de bilong stap pipia na bilong stap nating, wanpela de bilong tudak na bilong bel i pilim hevi tru, wanpela de bilong ol klaut na strongpela tudak,

¹⁶Wanpela de bilong biugel na tandok i birua long ol biktaun i gat banis, na i birua long ol taua antap.

¹⁷Na Mi bai bringim bikpela wari antap long ol man, inap long ol bai wokabaut olsem ol aipas man, bilong wanem, ol i bin mekim sin i birua long BIKPELA. Na blut bilong ol bai Mi kapsaitim ausait olsem das, na mit bilong ol olsem pekpek.

¹⁸Silva bilong ol o gol tu bilong ol bai i no inap long kisim bek ol long de bilong belhat tru bilong BIKPELA. Tasol dispela hap olgeta bai Em i kaikai olgeta wantaim paia bilong jeles pasin bilong Em. Long wanem, Em bai mekim, yes, wanpela pinis hariap bilong ol olgeta husat i stap long dispela hap.

King Jems Pisin Baibel
절을 누르면 복사·공유·형광펜·메모를 쓸 수 있습니다. 점선 낱말은 교회백과 문서로 이어집니다.

이 장에 18절

1 / 3장

본문은 King Jems Pisin Baibel(톡피신어) — getbible.net(CrossWire SWORD 모듈)에서 가져옴 · 라이선스: CC BY-NC-ND 4.0 (Creative Commons: BY-NC-ND 4.0) 형광펜·메모·읽은 표시는 판과 상관없이 같은 장에 함께 남습니다. 점선이 그어진 낱말은 교회백과에 문서가 있는 인물·지명·용어입니다(한 화면에 한 번씩만 표시). 형광펜·메모·읽은 표시는 이 브라우저에만 저장되며 내 표시에서 모아 볼 수 있습니다.

스바냐 1장 King Jems Pisin Baibel

이 장을 언급한 문서

더 보기